Halal Ekosistem, eyni dəyərləri paylaşan istehlakçılarla biznesləri görüşdürən virtual bazardır. Halallıq qaydalarına uyğun fəaliyyət göstərən bizneslər araşdırmalardan sonra üzvlüyə qəbul edilir. Platformamız vasitəsilə istehlakçılar dürüstlük, ədalət və keyfiyyət prinsiplərinə sadiq qalan biznesləri tapıb ehtiyac duyduqları məhsul və ya xidmətləri ala bilərlər. Bir cümlə ilə desək, biz qidalara yox, bizneslərə halallıq sertifikatı veririk.

Halal" sözü İslam dəyərlərinə uyğunluğu, dürüstlüyü, ədaləti və keyfiyyəti ifadə edir. Halal Ekosistem bu prinsiplərə əsaslanaraq fəaliyyət göstərən biznesləri bir araya gətirir və istehlakçılara daha etibarlı ticarət etmə imkanı yaradır.

Müasir biznes dünyasında dürüstlük prinsiplərinə əməl etmək bəzən rəqabətdə dezavantajlı ola bilər. Halal Ekosistem, sahibkarların halal dəyərlərə sadiq qalaraq işlərini davam etdirmələrinə dəstək verir və istehlakçılara dürüstlük və keyfiyyətə əmin ola biləcəkləri bizneslərə daha asan çatmaq imkanı yaradır.

Platformamız, istehlakçıların aldadılmadan alış-veriş etməsinə və dürüstlük prinsiplərinə uyğun fəaliyyət göstərən bizneslərlə tanış olmasına şərait yaradır. Həmçinin, fəaliyyətini halal ticarət qaydalarına uyğun şəkildə həyata keçirən sahibkarların rəqabətdə geri qalmadan işlərini inkişaf etdirmələrinə dəstək olur.

Halal Ekosistemə üzv olmaq üçün "Üzv ol" bölməsindən məlumat əldə edə bilərsiniz. Üzvlük üçün halallıq qaydalarına uyğun fəaliyyət göstərmək əsas şərtdir. Bizneslər, ekspertlər tərəfindən bu qaydalar əsasında yoxlanılır və yalnız uyğun olanlar üzvlüyə qəbul edilir.

Üzvlük üçün müraciət edən sahibkarların fəaliyyəti ekspertlərimiz tərəfindən yoxlanılır. Biznesin əsas fəaliyyəti və ticarət proseslərində halallıq prinsiplərinə əməl edilib-edilmədiyi dəyərləndirilir. Müraciət edənlər halallıq qaydaları üzrə imtahana tabe tutulur və imtahandan keçənlər sertifikat əldə edir.

Halal Ekosistem üzvlərini mütəmadi olaraq yoxlayır. Bu yoxlamalar həm gizli nümayəndələr vasitəsilə, həm də müştəri rəyləri əsasında həyata keçirilir. İstənilən müştəri aldığı xidmət və məhsullar haqqında saytımızda, sosial media hesablarımızda rəy bildirə həmçinin bizə zəng edərək məlumat verə bilər.

Halal Ekosistem ilk öncə öz qaydaları ola virtual bir bazar, tərəfləri görüşdürən bir platforma funksiyasını icra edir. Onun əsas xidməti məhz budur. Daha sonra isə bu ilkin xidmətə dəstək məqsədiylə marketinq, maliyyə planlaması, mühasibatlıq, audit, investisiya, zəkat hesablanması və halal audit kimi müxtəlif xidmətlər təklif edir. Bütün xidmətlər İslam dəyərlərinə və dürüstlük prinsiplərinə uyğun şəkildə təşkil olunur.

Halal Ekosistem digərlərindən fərqli olaraq bazarda mövcud olan və bizneslərin ehtiyac duyduğu xidmətləri halal şəkildə təqdim edir. Məsələn, marketinq xidmətlərimiz dürüstlük və şəffaflıq üzərində qurulub. Həmçinin zəkatın hesablanması, halal maliyyələşdirmə kimi Azərbaycanda unikal xidmətlər də təqdim edirik.

İstehlakçılar Halal Ekosistem vasitəsilə halallıq prinsiplərinə uyğun fəaliyyət göstərən biznesləri tapa, onların təkliflərini müqayisə edə və alqı-satqı prosesini daha təhlükəsiz həyata keçirə bilərlər.