Halal Ekosistem
Halal Ekosistem halallıq qaydalarına uyğun fəaliyyət göstərən biznesləri bir araya gətirən, həmçinin müştərilərin halal standartlarına uyğun, keyfiyyətli və etibarlı bizneslərə çıxışını asanlaşdıran platformadır. Bizim məqsədimiz ölkəmizdə halallıq prinsiplərinə əsaslanan iqtisadi sistemin inkişafına töhfə verməklə halallıq qaydalarına uyğun fəaliyyət göstərən biznesləri tanıtmaq və onların inkişafına dəstək göstərməkdir.
"Halal Ekosistem qidalara yox bizneslərə halallıq sertifikatı verir."
Bizneslər üçün
Biz sizin üçün halal biznesləri bir platformada toplayırıq. Halal Ekosistem sizə yeni bazar və yeni müştəri qazanma fürsəti təqdim edir.
İstehlakçılar üçün
Biz müştərilərin halal standartlarına uyğun, keyfiyyətli və etibarlı bizneslərə çıxışını asanlaşdırırıq.
Məqsəd və Tarixçə
2023-cü ildə əsası qoyulan Halal Ekosistem 2024-cü ildə tam fəaliyyətə başlamışdır. Öz sahibkarlıq fəaliyyətini halallıq prinsiplərinə uyğun şəkildə həyata keçirən şəxslər tərəfindən verilən və cavablandıra bilmədiyimiz suallar bizi yeni həll yolları axtarmağa məcbur etdi. O suallara ən yaxşı cavab belə bir platformanın qurulmasıdır.
Problemlər
Halal, dürüst işləyən sahibkarların rəqabətdə uduzması və ya bazarı tərk etmə məcburiyyəti. İnsanların etibarlı bizneslərə çıxış çətinliyi.
Həll Yolumuz
Həm istehsalçı, həm də istehlakçı hüquqlarını qoruyan balanslı platforma. Qeyri-etik davranışlara qarşı qoruyucu tədbirlər.
"Layihənin yaranmasında əsas təsir edən amillər arasında halal prinsiplərə uyğun fəaliyyət göstərən sahibkarların cavabsız sualları və biznesdəki qeyri-etik davranışlar (aldatma, istehlakçı zərəri) yer alır."
İnsanlara Faydamız
Təhlükəsizlik
Alqı-satqı prosesində aldanma hallarının azalması, cəmiyyətdə halal dəyərlərin qorunub inkişaf etməsi
Əməkdaşlıq
İnsanların bir-biri ilə əlaqə qurub ticarət etməsinə vasitəçi olmaq, rəqabətcil və halal iş mühiti
Sahibkarların rəqabətə davam gətirmək üçün qeyri-halal bazar şərtlərinə uyğunlaşmaq məcburiyyətindən qurtulmasına kömək edərək, həm rəqabətcil, həm də halal prinsiplərə uyğun bir biznes mühitinin formalaşmasına dəstək göstəririk.
Halallıq Prinsipi
Halallıq deyərkən ölkəmizin tarixi inancı olan İslam dini, milli-mənəvi dəyərlər, ümumbəşəri prinsiplər, xalqın və cəmiyyətin faydası, ətraf mühitin qorunması və dövlətin təhlükəsizliyi kimi amillər əsas alınmaqla hazırlanmış qaydalar toplusu nəzərdə tutulur. İstinad mənbələrimiz:
Beynəlxalq
AAOİFİ və GİMDES kimi peşəkar qurumlar
Yerli
Dövlət qanunvericiliyi, yerli mütəxəssislər və adət-ənənələrimiz.
Biz GİMDES və AAOIFI kimi etibarlı qurumların təcrübələrini öz fəaliyyətimizə inteqrasiya edərək, Halal Ekosistemin həm yerli, həm də beynəlxalq miqyasda mütərəqqi və davamlı bir model olmasını təmin etməyə çalışırıq.
Halallığa kompleks yanaşma
Bir biznes fəaliyyətinin bütün mərhələlərində halallıq qaydalarına riaət edilməsi şərtdir. Bütün sektorların bir-biri ilə əlaqəli olduğu müasir dövrdə yalnız müəyyən xidmətlər göstərməklə halal prinsiplərə əməl edən bizneslərə tam dəstək olmaq mümkün deyildir. Ona görə də Halal Ekosistem bütün əsas iqtisadi prosesləri (zəncirin hər halqasını) nəzərə alaraq sahibkarlara konsultasiyadan maliyyə cəlb edilməsinə qədər bütün ehtiyac duyulan xidmətləri göstərməyə çalışır.
Maliyyə bazarlarına hazırlıq
İnkişaf etmiş ölkələrdə birjalar iqtisadiyyatın, şəffaflığın və qlobal bazarlara çıxışın əsas göstəricisidir. Onlar şirkətlər üçün kapital cəlbi, investorlar üçün isə investisiya imkanları yaradır. Halal maliyyə prinsiplərinə uyğun olaraq, yalnız şəriətə uyğun fəaliyyət göstərən şirkətlərin səhmlərinə investisiya etmək icazəlidir. Buna görə də maliyyə bazarlarında halal investisiya standartları formalaşdırılmışdır.
Bu standartlara uyğun fəaliyyət göstərən şirkətləri yoxlayan və nəzarət edən qurumlar mövcuddur. Halal Ekosistem olaraq biz də ölkəmizdə birjaların gələcək inkişafını nəzərə alaraq, halal biznes konsepsiyasını bu sahəyə indidən inteqrasiya etmək istəyirik.
Azərbaycanın Sosial Strukturu
Ölkəmizin mürəkkəb dini və mədəni strukturu halallıq prinsiplərinin tətbiqində tarazlığı qorumağı tələb edir. Fərqli yanaşmaların, müxtəlifliyin mövcudluğunu nəzərə alıb, beynəlxalq standartlara istinad edərək yerli ekspertlərin bələdçiliyi ilə balanslaşdırılmış bir sistem qurmağa çalışırıq.
Halal Ekosistemin Təməl Qaydaları
Halal Ekosistem olaraq platformamıza yalnız əsas fəaliyyəti halal prinsiplərə uyğun olan bizneslər qəbul edilir. Aşağıdakı sahələr və onlarla əlaqədar bütün fəaliyyətlər heç bir halda platformaya daxil edilmir:
İslam dini tərəfindən qadağan edilmiş fəaliyyətlər
Alkoqol, tütün, şans oyunları və qumar, donuz əti kimi sektorlar.
Milli-Mənəvi dəyərləri qorumaq
Əxlaq və milli-mənəvi dəyərlərə zidd, cəmiyyətin mənəvi inkişafına zərər verən bütün fəaliyyətlər.
Ədaləti qorumaq
Faiz (sələmçilik) üzərində qurulmuş bütün maliyyə xidməti göstərən fəaliyyətlər (banklar, BOKT-lar, sığorta)
Əmin-amanlıq
Dövlətin və cəmiyyətin təhlükəsizliyini təhdid edən bütün fəaliyyətlər.
Ekoloji Zərər
Ekologiyaya və insana zərər vurmaqla resursları istismar edən fəaliyyətlər.
İsrafçılıq
İnsanlara heç bir fayda verməyən və sadəcə resursların israfına səbəb olan fəaliyyətlər.
Keyfiyyəti qorumaq
Keyfiyyətsiz və insan sağlamlığına mənfi təsir göstərən fəaliyyətlər.
Haqsızlıq & Qul Haqqı
Rüşvət, yalan, aldatma, saxtakarlıq, qərəz, haqsız rəqabət, özəlliklə qadın və uşaq olmaqla insan əməyinin istismarı (zülm) kimi halların ciddi çəkildə özünü göstərdiyi fəaliyyətlər.
Qadağan Olunmuş Sahələr
Yuxarıdakı qadağan edilmiş fəaliyyətlərlə dolayısı və ya birbaşa əlaqədə olan şirkətlər
Əhəmiyyətli Məlumat
Halal Ekosistem platformasından kənarda fəaliyyət göstərən bizneslərin halal olmadığını iddia etmirik.
Bizneslərin halallıq statusu yalnız müəyyən etdiyimiz prinsiplərə uyğunluq dərəcəsinə görə təyin olunur. Platformamızda yer almayan bizneslər də halal prinsiplərə uyğun fəaliyyət göstərə bilər.
Komandamız
Vizyonumuz
Vizyonumuz
Halal Ekosistemin hədəfi bizneslərin halal sertifikatlaşdırma mərkəzi olmaqdır. Halallıq qaydalarına uyğun fəaliyyət göstərən sahibkarları qlobal miqyasda birləşdirən, istehlakçılar və bizneslər arasında etibarlı körpü yaradan aparıcı platforma olmağı hədəfləyirik.
Halallıq, şəffaflıq və keyfiyyət prinsiplərinə əsaslanaraq dünyanın halal biznes platformasına çevrilmək bizim əsas vizyonumuzdur.
Missiyamız
Missiyamız
Halal Ekosistemin misyonu, sahibkarları halal prinsiplər əsasında fəaliyyət göstərmələri üçün lazım olan bütün resurs və dəstəklə, istehlakçıları isə halal məhsul və xidmətlərlə təmin etməkdir.
Şəffaflıq, dürüstlük və etik dəyərlər əsasında qurulan bir iş mühiti yaradaraq, həm sahibkarların, həm də istehlakçıların mənafelərini qoruyuruq.
Məqsədimiz
Məqsədimiz
Halal Ekosistemin məqsədi halallıq qaydalarına uyğun fəaliyyət göstərən biznesləri tanıtmaq və onların böyüməsinə dəstək olmaqdır.
Əsas məqsədlərimiz:
- Halal standartlara uyğun fəaliyyət göstərən bizneslərin inkişafını dəstəkləmək
- İslam dəyərlərinə əsaslanan etik biznes mühitini təşviq etmək
- Sahibkarlara peşəkar biznes xidmətləri təqdim edərək onları gücləndirmək
- Halal sertifikatlaşdırma və audit mexanizmlərini tətbiq etmək
- İstehlakçıları halal və keyfiyyətli məhsul və xidmətlərlə təmin etmək