Halal Ekosistemin Biznes Təsnifatı
Halal Ekosistem platformasında olan bizneslər üç əsas kateqoriyaya bölünür. Bu təsnifat, bizneslərin halallıq prinsiplərinə uyğunluq dərəcəsinə, nəzarət mexanizmlərinə və platforma ilə əlaqələrinin sıxlığına əsaslanır.
Üzvlərimiz
Üzvlərimiz
Üzvlərimiz halallıq prinsiplərinə ciddi riayət edən və bu istiqamətdə davamlı inkişaf edən bizneslərdir. Onların əsas xüsusiyyətləri aşağıdakılardır:
- Nəzarət və Audit: Bu bizneslər müntəzəm olaraq nəzarət və audit prosesindən keçir. Bu proses biznesin halallıq standartlarına davamlı uyğunluğunu təsdiq edir.
- Kəfil Sistem: Platforma bu bizneslərin halallıq prinsiplərinə uyğun fəaliyyət göstərdiyini təsdiqləyir və istehlakçılar qarşısında onlara kəfil olur.
- Şəffaflıq: Üzvlərimiz haqqında verilən bütün informasiyalar tam şəkildə dəqiq, yeni və şəffafdır. Bu bizneslər Halal Ekosistemin istədiyi bütün məlumatları təmin edir və hər hansı yenilik, fərqli bir hala olacağı zaman bizə xəbər verir.
- Halal müqavilələr: Biz üzvlərimizi bütün biznes əməliyyatları (əmək, alqı-satqı, xidməti və s) üçün halallıq qaydalarına uyğun müqavilələrlə təmin edirik. Bu üzvlərimizlə müştərilər arasındakı əməliyyatların risk səviyyəsini aşağı salır və mübahisə hallarını azaldır. Bu isə biznesin halallıq statusunu gücləndirir.
- Konsultasiya: Üzvlərimizin halallıqla və digər məsələlərlə bağlı sualları varsa və hər hansı digər ehtiyacları yaranarsa bizimlə əlaqə saxlaya və dəstək ala bilər. Biz üzvlərimizin suallarını operativ şəkildə ən qısa zamanda cavablamağa çalışırıq.
- Rəhbərliyin niyyəti: Üzvlərimizin rəhbərliyi halallıqla bağlı yüksək standartlara riayət etmək istəyindədir. Onlar öz bizneslərinin halallıq prinsiplərinə uyğun olmasını ilkin olaraq özləri üçün prioritet hesab edirlər.
Partnyorlar
Partnyorlar
Partnyorlar platformamızla sıx əməkdaşlıq edən, lakin tamhüquqlu üzv olmayan bizneslərdir. Bu kateqoriya üzvləri ilə platforma arasında müəyyən yoxlamalar və şərtlər əsasında əməkdaşlıq qurulur.
- Müəyyən Yoxlamalar: Partnyor bizneslər platformanın tələblərinə uyğunluq baxımından müəyyən yoxlamalardan keçir. Bu yoxlamalar onların halallıq standartlarına uyğunluğunu qiymətləndirir.
- Məhdud Xidmətlər: Partnyorlar üzvlər qədər geniş xidmətlərdən faydalanmır, lakin platformanın təqdim etdiyi bəzi imkanlardan istifadə edirlər.
- İnkişaf Potensialı: Partnyorlar zamanla üzvlük kateqoriyasına keçid etmək imkanına malikdirlər. Bu, onların halallıq prinsiplərinə daha yaxşı uyğunlaşması və platformanın tələblərini yerinə yetirməsi ilə mümkündür.
Standart
Standart
- Biznes fəaliyyətini ən təməl halallıq qaydalarına uyğun şəkildə həyata keçirən sahibkarların biznesləri bu kateqoriyaya əlavə edilir. Bu bizneslər üzərində bizim heç bir nəzarətimiz yoxdur. Hər kəsə açıq olan məlumatlar əsasında və qeyri-rəsmi əldə edilən informasiyalara görə onların halallıq səviyyəsi qiymətləndirilir.
- Standart kateqoriyasındakı bizneslər halallıq prinsiplərinə uyğunluq baxımından ilkin mərhələdə hesab olunur. Onların fəaliyyəti daha ətraflı yoxlamadan keçməmişdir.
Xidmət Paketləri
Halal Ekosistem bu üç kateqoriya üzrə müxtəlif xidmət paketləri təqdim edir. Hər bir paket sahibkarın ehtiyaclarına uyğun olaraq hazırlanır və daxil edilən xidmətlərə görə qiymət fərqlənir.
Üzvlər
- Platforma yerləşdirmə
- Platformada xüsusiləşdirmə və önə çıxarma
- Ayda bir xəbərsiz yoxlama
- Biznes və halallıqla bağlı həftədə 30 dəqiqə randevu
- Bütün biznes heyəti üçün aylıq təlimlər
- Bütün biznes əməliyyatları üçün halal müqavilələr
- Halal Ekosistem sosial media hesablarında reklam
- Rəhbərliklə video müsahibə
- Networking və digər dəstək formaları
Partnyor
- Platforma yerləşdirmə
- Biznes haqqında qısa video
- Alqı-satqı üzrə halal müqavilə
- Rüblük randevu və təlim
- Networking
- Üzvlərə qatılmaq üçün dəstək
Standart
- Platforma yerləşdirmə
- Bir dəfəlik audit təklifi
BİZ NECƏ İŞLƏYİRİK
Biznesinizi Bizimlə İnkişaf Etdirin: 7 Addım
Bizimlə əməkdaşlığa başlayın və 7 addımda biznesinizi inkişaf etdirin
Tanışlıq
Müştəri ilə konsultasiya həyata keçirilir. Onu tanımağa, işi haqqında məlumat almağa çalışırıq. Uyğun müştəri olub-olmadığını müəyyənləşdiririk.
Müayinə
Birinci mərhələdən keçən müştəri və onun biznesi yoxlanır. Halallıq prinsiplərinə bağlılıq və biznesin mövcud iqtisadi vəziyyəti müəyyənləşdirilir.
Diaqnoz
Biznes iqtisadi inkişafını və halallıq prinsiplərinə uyğunluğunu gücləndirmək üçün görüləcək işlər müəyyənləşdirilir. Biznes planın hazırlanması, biznesin planlaşdırılması, gələcəyə baxış bu mərhələdə həyata keçirilir.
Müalicə
Üçüncü mərhələdəki planların həyata keçirilməsinə dəstək göstərilir. Bunun üçün sahibkar müxtəlif maarifləndirici alətlərlə kadrların gücləndirilməsi prosesinə cəlb edilir.
Marketinq
Dördüncü mərtəbədə öz heyətimizlə marketinq, maliyyə planlaşdırılması, mümkündürsə İT həlli sahəsində biznesə lazım olan xidmətləri təşkil edirik.
İnvestisiya Cəlbi
Hər şeyin yolunda getdiyini, standartlarımıza uyğun olduğunu gördükdə maliyyə mütəxəssisimizin tövsiyələrinə uyğun olaraq lazım olan maliyyə vəsaitini investisiya kimi təşkil edirik.
Nəzarət və dəstək
Biznesin müəyyən bir yetkinlik səviyyəsinə çatıb öz ayaqları üstündə qalacağı ana qədər lazım olan hər cürə dəstək göstərilir. Lakin investisiya cəlb edəcəyimiz təqdirdə isə, nəzarət mütləq