Qoç Ət

"Qoc Ət" şirkəti ilk olaraq 1997-ci ildə Bakı şəhəri, Təbriz küçəsində bir kiçik fermer mağazası ilə fəaliyyətə başlamışdır.

Qoç Ət təsərrüfatlarında yetişdirilən yerli Qafqaz cinsi heyvanlar yüksək məhsuldarlığa sahibdir. Bununla yanaşı, son 10 il ərzində Avropanın Alp çəmənliklərində yetişdirilən, Avstriyadan alınan Simmental cinsi iribuynuzlu heyvanları da ölkəmizə gətirilərək yerli iqlim şəraitinə uyğunlaşdırılır və yerli keyfiyyətli yemlərlə bəslənir.

• Qoç Ət şirkəti Azərbaycanda dürüstlük və etibarlılıq naminə məhsulların keyfiyyəti, halallığı və yüksək səviyyəli xidməti ilə müştəri məmnunluğunu özünün başlıca prinsipi kimi qəbul etmişdir.
• Yem istehsalından tutmuş ət istehsalına qədər bütün prosesi özündə cəmləşdirən Qoç Ət şirkəti yem bitkilərini yetişdirmək üçün torpaq əraziləri, yem istehsalı, kəsim, ət və süd emalı müəssisələri ilə inteqrasiya olunmuş struktura malikdir.
• Halal Sertifikata sahib olan şirkət yetişdirmə və istehsalın bütün mərhələlərinə baytar həkimlər və qida mühəndisləri tərəfindən nəzarət edilir. İslami qaydalara uyğun olaraq kəsim prosesi kəsimxanada peşəkar qəssablarımız tərəfindən başa çatdırıldıqdan sonra ət 24 saat soyuducuda dinləndirilir, sonra isə emal bölümündə gigiyenik şəraitdə hazırlanaraq qablaşdırılır.
• Məhsullar 50-yə yaxın supermarket rəflərində, 9 filialdan ibarət restoran və fermer marketlərində pərakəndə və ya topdansatış olaraq istehlakçılara çatdırılır.
• Müştərilər şirkətin filiallarında təqdim edilən müxtəlif çeşiddə 3,8-4,2% süd yağlılığına, 80-82% ət çıxarına malik qırmızı ət və quş əti məhsullarını, o cümlədən, kolbasa və sucuqları, qoyun və keçi südündən hazırlanmış pendir, qatıq və digər süd məhsullarını sifariş verməklə Bakı şəhərindəki mağazalardan və bütün restoranlardan əldə edə bilərlər.