Hanzade Restaurant

"Hanzade" Restoranı, şəxsi fəaliyyətində halallıq qaydalarına riayət etməyə çalışan sahibkar tərəfindən idarə olunur. Restoran, yalnız halallıq qaydalarına uyğun şəkildə xidmət göstərməklə yanaşı, müştərilər üçün rahat və etibarlı bir mühit də qurmağa çalışıb.

1. Alkoqolsuz Məkan

Restoranda alkoqollu içkilərin satışı və istifadəsi qəti şəkildə qadağandır.

2. İbadət və Dəstəmaz İmkanları

Müştərilərin ibadətlərini rahatlıqla yerinə yetirmələri üçün restoranda ayrıca namaz otağı mövcuddur. Bundan əlavə, dəstəmaz almaq üçün də uyğun şərait təmin edilib.

3. Məhrəmiyyətə Uyğun Sanitar Şərait

• Restoranın ayaqyolu sistemi İslam məhrəmiyyət qaydalarına uyğun şəkildə dizayn edilib.
• Kişi və qadın ayaqyolları tamamilə ayrı bölmələrdə yerləşir.
• Təmizlik və gigiyena standartları yüksək səviyyədə qorunur.

4. Halal Qida Təchizatı

Restoranın mətbəxində istifadə olunan qida məhsulları tərəfimizdən araşdırılır:

• Kolbasa və sosiska məhsulları – "Payım" şirkətindən təmin edilir.
• Toyuq məhsulları – "Tamlı" şirkətindən təmin edilir. Şirkət öz kəsimini Murad Agro-da həyata keçirir. Kəsim prosesinin videosu bizə göndərilmişdir.
• Qırmızı ət məhsulları – Halal olduğu deyilir, lakin tərəfimizdən hələ ki, dəqiqləşdirilməyib.
• Dönər məhsulları - halal və keyfiyyətli şəkildə hazırlanır.
• Yeməklərdə duru yağ olaraq " Kırlangıç" firmasının qarğıdalı yağlarından istifadə edilir

5. Ramazan Ayına Xüsusi Fəaliyyət Rejimi

Ramazan ayında restoran gündüz saatlarında fəaliyyət göstərmir. Xidmət saatları yalnız iftardan sahura qədər davam edir.

6. Halal Marketinq və Sosial Media Siyasəti

Restoranın sosial media hesablarında təqdim edilən məzmunlarda halallıq qaydalarına diqqət edilir.

7. Ailə və Məhrəmiyyət Dostu Dizayn

• Restoranın daxili quruluşu ailələrin və xüsusilə xanımların rahatlığı və məhrəmiyyət qaydalarına uyğun şəkildə təşkil olunub.
• Masalar və oturma sahələri müştərilərə daha rahat və şəxsi məkan hissini yaşatmaq üçün xüsusi dizayn edilmişdir