Ölkə: Azərbaycan
Layihənin adı: Azərbaycanda Kapital Bazarının İnkişafı üçün Normativ Hüquqi Baza
Sektor: İslam Kapital Bazarı
Maliyyələşdirmə rejimi: İslam Maliyyə Qrantı
Maliyyələşdirmə nömrəsi: AZE1025
Azərbaycan Mərkəzi Bankı, “Azərbaycanda Kapital Bazarının İnkişafı üçün Normativ Hüquqi Baza Hazırlanması üzrə İslam Maliyyə Qrantı” layihəsinin dəyərinin ödənilməsi məqsədilə İslam İnkişaf Bankı İnstitutundan (bundan sonra – IsDBI) texniki yardım (technical assistance -TA) göstərilməsini xahiş etmişdir. Bu layihə Azərbaycanın Sukuk mexanizmini tətbiq etməsi üçün əlverişli mühitin yaradılmasına dəstək göstərməyi hədəfləyir.
Layihə aşağıdakı nəticələrin əldə olunmasına yönəldilmişdir:
- Sukuk və digər İslam maliyyə məhsullarının buraxılışı üçün möhkəm hüquqi və tənzimləyici çərçivənin formalaşdırılması;
- Azərbaycan institutlarının İslam maliyyə əməliyyatları ilə bağlı risklərin idarə olunması bacarığının gücləndirilməsi;
- Azərbaycanda İslam maliyyəsinin inkişafını izləmək üçün monitorinq və qiymətləndirmə mexanizminin yaradılması;
- Azərbaycanın ilk Sukuk emissiyasının uğurla həyata keçirilməsi və bununla da maliyyə sektorunun daha da şaxələndirilməsi.
Layihənin əsas məqsədi müasir və davamlı Sukuk sektorunun formalaşdırılmasıdır. Bu sektor hökumət təşəbbüslərinə mühüm dəstək verərək, resursların səfərbərliyini, maliyyə inklüzivliyini və iş yerlərinin yaradılmasını təmin edəcək, beləliklə də ölkənin ümumi sosial-iqtisadi inkişafına təkan verəcəkdir.
Sukuk, İslam prinsiplərinə uyğun sərmayə imkanları yaradır, investor bazasını genişləndirir, kapital axınını artırır və infrastruktur layihələrinin maliyyələşməsinə şərait yaradır. Bu, nəticə etibarilə daha davamlı və inklüziv iqtisadiyyatın formalaşmasına gətirib çıxaracaq.
Bu məqsədə nail olmaq üçün ilk növbədə möhkəm hüquqi, tənzimləyici və nəzarət mühiti yaradılmalıdır. Bu mühit Sukuk emissiyası, tənzimlənməsi, nəzarəti və idarə edilməsini səmərəli şəkildə həyata keçirməyə imkan verməlidir. Əks halda, bu sektorun tam potensialını ortaya çıxarmaq mümkün olmayacaqdır.
Tapşırığın ilkin texniki tapşırığı (ToR) Əlavə 1-də təqdim olunmuşdur.
IsDBI, hazırda, ToR-da ( ilkin texniki tapşırıqda) göstərilən xidmətləri təqdim edə biləcək uyğun məsləhətçi firmaları (“Məsləhətçilər”) maraqlarını bildirməyə dəvət edir. Maraqlı firmalar göstərilən xidmətləri yerinə yetirmək üçün tam ixtisaslı olduqlarını sübut edən məlumatları təqdim etməlidirlər (müvafiq təcrübə, ixtisaslı kadrların mövcudluğu, bənzər layihələrdə iştirak, broşürlər və s.).
Qısa lista meyarları və alt-meyarları:
1. Texniki bacarıq və müvafiq təcrübə:
Məsləhətçilər İslam kapital bazarları və Sukuk sahəsində sübut olunmuş təcrübəyə malik olmalıdırlar. Onlar tənzimləyici çərçivələrin hazırlanması, Şəriət prinsipləri üzrə biliklər və İslam maliyyəsi mövzularında təlimlərin təşkili və keçirilməsi sahəsində səriştə nümayiş etdirməlidirlər. Bundan əlavə, mülki hüquq sahəsində bilik və təcrübə üstünlük kimi qiymətləndiriləcəkdir.
2. Layihə idarəçiliyi və komanda tərkibi:
Təklif olunan komanda kapital bazarları üzrə mütəxəssislərdən, xüsusilə Sukuk strukturlaşdırılması və emissiyası, maliyyə və İslam hüququ (Şəriət) istiqamətlərində ixtisaslaşmış şəxslərdən ibarət olmalıdır. Layihə rəhbəri minimum 10 illik təcrübəyə malik olmalıdır. Məsləhətçi layihənin həyata keçirilməsi üçün aydın və məntiqli metodologiya təqdim etməli, həmçinin Malaziya, İndoneziya, Pakistan, BƏƏ, Bəhreyn, Türkiyə, Qazaxıstan və ya Səudiyyə Ərəbistanı kimi nümunəvi ölkələrin tənzimləyici qurumları ilə əlaqə şəbəkəsinə malik olmalıdır (xüsusilə təlim səfərləri üçün).
3. İnstitusional potensial və əvvəlki göstəricilər:
Firma genişmiqyaslı maliyyə islahatı layihələrinin həyata keçirilməsində müsbət təcrübəyə malik olmalı və son 5 il ərzində ən azı üç müsbət istinad məktubu təqdim etməlidir. Layihənin maliyyə həcmini qarşılamaq üçün maliyyə sabitliyini də sübut etməlidir. Azərbaycanda yerli nümayəndəliyin mövcudluğu və ya yerli konteksti yaxşı anlamaq da mühüm üstünlük hesab olunur.
Məsləhətçilər ixtisaslarını artırmaq məqsədilə digər firmalarla əməkdaşlıq edə bilərlər, lakin bu əməkdaşlığın ortaq müəssisə (joint venture) və ya sub-məsləhətçi formasında olduğunu açıq şəkildə göstərməlidirlər. Əgər əməkdaşlıq ortaq müəssisə formasındadırsa, seçiləcəkləri təqdirdə bütün tərəflər müqavilə üzrə birgə və tam məsuliyyət daşıyacaqlar.
Məsləhətçi firmanın seçimi beynəlxalq standartların (Consultant Qualifications Selection/International Shortlist -CQS) tələblərinə əsasən həyata keçiriləcəkdir.
Maraq ifadələri (Expressions of Interest) rəqəmsal formatda (e-poçt vasitəsilə) 12 oktyabr 2025-ci il tarixinədək aşağıdakı ünvana təqdim edilməlidir
Email: cp.isdbi@isdb.org