26 November 2025

Halal Biznes Biliklərini Yoxla - Testi

Halal Ekosistem|Sual-Cavab

Qazancınızın 100% halal olduğundan tam əminsinizmi? Biznesdə və gündəlik iqtisadi əməliyyatlarda halallıq qaydalarına nə dərəcədə bələdsiniz? Biznesdə və maliyyə əməliyyatlarında "halallıq" dedikdə ağlınıza nə gəlir?

Təəssüf hissi ilə qeyd etməliyik ki, bu gün iqtisadi həyatımızda halallıq prinsiplərinin əhəmiyyəti cəmiyyətimiz tərəfindən hələ də tam dərk edilməyib. Bu barədə müəyyən məlumata sahib olanlar isə, ətraf mühitin və mövcud şərtlərin hər zaman əlverişli olmaması səbəbindən həmin qaydaları tətbiq etməkdə ya çətinlik çəkir, ya da zəiflik göstərirlər. Biz məhz bu boşluğu nəzərə alaraq, ölkəmizdə halal biznes ekosisteminin formalaşması və bu mövzunun gündəmə gətirilməsi məqsədilə "Halal Biznes Bələdçisi" kursunu başlatdıq.

Kurs prosesində mövzunun aktuallığını və dərinliyini bir daha müşahidə etdik. Buna görə də, bu istiqamətdəki təşəbbüslərimizi genişləndirərək sizə növbəti layihəmizi təqdim edirik.

Çox vaxt ticarətlə məşğul olarkən: "Mən faiz almıram, haram məhsul satmıram, deməli qazancım halaldır" deyə düşünürük. Lakin İslam ticarət hüququnun (fiqhin) incəlikləri bundan qat-qat dərindir. İslamın idarəetmədən işçi-işəgötürən münasibətlərinə, marketinqdən müştəri əlaqələrinə qədər biznesin bütün sahələrini tənzimləyən, əhatə edən fundamental qaydaları mövcuddur

Məsələn, dostunuza borc verib qarşılığını fərqli valyutada almağın hökmünü bilirsinizmi? Yaxud işçinin şirkət adına aldığı maldan şəxsi bonus qazanmasının hökmü nədir? Ticarət həyatında hər gün qarşılaşdığımız, lakin cavabını dəqiq bilmədiyimiz onlarla bu cür sual var. Unutmayaq ki, bəzən kiçik bir şərt müqaviləni batil edə bilər, bəzən isə fərqinə varmadığımız sadə bir addım qazancımıza haram qata bilər. Gəlin, bu incəlikləri birlikdə öyrənək.

Sizlər üçün hazırladığımız bu ödənişsiz "Halal Biznes Testi" ilə biliklərinizi yoxlayın. Bu test həm də ticarətinizdəki gizli boşluqları görməyə kömək edəcək.

🔍 Daha geniş kütləyə çatması üçün kiçik reklam büdcəsi də ayıracağıq ki, insanlarımız xəbərdar olsun, öyrənsin, mariflənsin və beləcə ölkəmizdə halal bir iqtisadi mühit formalaşsın. Siz də bu faydalı işə töhfə vermək istəyirsinizsə ətrafınızda paylaşın.

🚀 Testi indi keçin və nəticənizi görün! - DAXİL OL

Halal düşün Halal işlə Halal qazan

© Halal Ekosistem